ممبئی مراٹھی پترکار سنگھ کے انتخابات میں پریورتن پینل کی تاریخی کامیابی

01 July 2026

ممبئی یکم جولائی، ممبئی مراٹھی پترکار سنگھ کی 2026 تا 2028 کی دو سالہ مجلسِ عاملہ کے انتخابات میں سندیپ چوہان کی قیادت والے پریورتن پینل نے مسلسل دوسری مرتبہ تمام 15 نشستوں پر کامیابی حاصل کرتے ہوئے نئی تاریخ رقم کر دی۔ گزشتہ انتخابات کی طرح اس بار بھی پریورتن پینل نے پوری مجلسِ عاملہ پر اپنا بھرپور غلبہ برقرار رکھا۔

صدر کے عہدے کے لیے ہونے والے انتخاب میں سندیپ چوہان نے ریکارڈ 366 ووٹ حاصل کرکے پترکار سنگھ کی تاریخ میں سب سے زیادہ ووٹ لینے کا اعزاز اپنے نام کیا، جبکہ ان کے مدمقابل وشنو سونونے کو 108 ووٹ ملے۔

نائب صدر کے عہدے پر سواتی گھوسالکر (324 ووٹ) اور راجیندر ہنجے (289 ووٹ) کامیاب ہوئے۔ اس عہدے کے لیے سنتوش گائیکواڑ (131)، رویندر بھوجنے (101) اور نتین سونونے (58) کو شکست کا سامنا کرنا پڑا۔

جنرل سیکریٹری کے عہدے پر شیلیندر شرکے 270 ووٹ حاصل کرکے کامیاب ہوئے، جبکہ منگیش وروڈیکر کو 108 اور دیپک پرب کو 97 ووٹ ملے۔ خزانچی کے عہدے پر جگدیش بھووڈ نے 335 ووٹ حاصل کرکے کامیابی حاصل کی، جبکہ ان کے حریف کلدیپ گھایوٹ کو 136 ووٹ ملے۔ ٹرسٹی کے عہدے پر پرکاش کلکرنی 311 ووٹ کے ساتھ کامیاب ہوئے، جبکہ اروِند سروے کو 150 ووٹ حاصل ہوئے۔

مجلسِ عاملہ کی نو نشستوں پر پریورتن پینل کے گجانن ساونت (309)، دیواکر شیجولکر (298)، ونود سالوی (291)، آتمارام ناٹیکر (289)، رجنیش رانے (284)، انشومن پوئرےکر (276)، سارانگ درشنے (274)، راجیش کھاڈے (273) اور کیریت گورے (268) کامیاب قرار پائے۔

دوسری جانب اوما قدم (189)، نند کمار پاٹل (186)، آشیش بنسوڈے (181)، مہیندر جگتاپ (155)، کاشیناتھ مہادے (154)، شری کانت بھوسلے (147)، کیتن کھیڈیکر (134)، نتین سونونے (106) اور امرت ستار (97) کو شکست ہوئی۔

نتائج کے اعلان کے بعد نومنتخب صدر سندیپ چوہان نے کہا کہ لو ناولا میں واقع سنگھ کے وشرام دھام کی تزئین و آرائش سمیت گزشتہ مدت میں کیے گئے ترقیاتی کاموں پر اراکین نے دوبارہ اعتماد کا اظہار کیا ہے۔ انہوں نے کہا کہ مسلسل دوسری مرتبہ تمام 15 نشستوں پر کامیابی حاصل کرنا پترکار سنگھ کی تاریخ کا ایک اہم سنگ میل ہے اور اس سے ثابت ہوتا ہے کہ اراکین نے پریورتن پینل کی کارکردگی پر ایک بار پھر بھرپور اعتماد کا اظہار کیا ہے۔