اورنگزیب کی تعریف ابو عاصم اعظمی کو مہنگی پڑی، شیوسینا ایم پی نریش مہسکے کی شکایت پر مقدمہ درج

4 March 2025

ممبئی: مہاراشٹر کی سیاست میں ایک بار پھر ہلچل مچ گئی ہے۔ سماج وادی پارٹی کے ایم ایل اے ابو عاصم اعظمی کے اورنگزیب کے بارے میں دیے گئے بیان پر سخت تنازع کھڑا ہو گیا ہے۔ اس بیان کے خلاف شیوسینا کے ٹھانے کے ایم پی نریش مہسکے نے سخت موقف اختیار کرتے ہوئے اعظمی کے خلاف ملک سے غداری کا مقدمہ درج کرنے کا مطالبہ کیا ہے۔نریش مہسکے نے مہاراشٹر کے گورنر، وزیراعلیٰ اور نائب وزیراعلیٰ کو خط لکھ کر اس معاملے میں فوری کاروائی کا مطالبہ کیا ہے۔اعظمی نے اپنے بیان میں اورنگزیب کو "اچھا منتظم" قرار دیا تھا اور کہا تھا کہ ان کے دور حکومت میں ہندوستان کو "سونے کی چڑیا" کہا جاتا تھا۔ ان کے اس بیان سے ہندو تنظیموں میں شدید ناراضگی پائی جاتی ہے۔مہسکے نے کہا کہ ایسے بیانات سے مذہبی جذبات کو ٹھیس پہنچتی ہے اور معاشرے میں تفرقہ پیدا ہوتا ہے۔ انہوں نے مزید کہا کہ ابو اعظمی کو اپنے ایم ایل اے کے عہدے سے استعفیٰ دینا چاہیے کیونکہ ان کے بیان سے آئین کی خلاف ورزی ہوئی ہے۔واغلے اسٹیٹ پولیس اسٹیشن میں مقدمہ درجنریش مہسکے کی شکایت پر ٹھانے کے واغلے اسٹیٹ پولیس اسٹیشن میں ابو اعظمی کے خلاف تعزیرات ہند کی دفعات 299، 302، 356(1)، 356(2) کے تحت مقدمہ درج کیا گیا ہے۔مہسکے کا سخت انتباہمہسکے نے کہا:"جو بھی مہان شخصیتوں کی توہین کرے گا، اس کے خلاف سخت کارروائی ہوگی۔ ابو اعظمی جیسے لوگ ملک کی امن و امان کو بگاڑنے کا کام کر رہے ہیں اور ان پر ملک سے غداری کا مقدمہ درج ہونا چاہیے۔"انہوں نے مزید کہا کہ ٹھانے دھرم ویر آنند دھیگے کا قلعہ ہے اور یہاں کسی بھی فرقہ وارانہ سیاست کو برداشت نہیں کیا جائے گا۔ابو اعظمی کے بیان پر بڑھتی سیاست

ابو اعظمی کے بیان پر سیاسی ماحول گرما گیا ہے۔ مہاراشٹر میں حکمراں اتحاد نے بھی اعظمی کے بیان کی مذمت کی ہے۔ اب دیکھنا یہ ہے کہ اس معاملے میں وزیراعلیٰ ایکناتھ شندے اور نائب وزیراعلیٰ دیویندر فڈنویس کیا فیصلہ لیتے ہیں۔

(MIM TIMES | ممبئی)