اج ریاست میں بلدیاتی انتخابات کے اعلان کا امکان ریاستی الیکشن کمشنر پریس کانفرنس میں معلومات دیں گے
- MimTimes मिम टाइम्स م ٹائمز
- Nov 4
- 1 min read
4 November 2025
ممبئی (م ٹائمز) مہاراشٹر ریاستی الیکشن کمیشن کی جانب سے آج دوپہر 4 بجے پریس کانفرنس منعقد کی گئی ہے۔ ریاستی الیکشن کمشنر دنیش واگھمارے سیکرٹریٹ جمخانہ، منترالیہ کے سامنے، ممبئی میں صحافیوں سے گفتگو کریں گے۔
اس پریس کانفرنس میں ریاست کی شہری بلدیاتی اداروں کے انتخابات کا شیڈول جاری ہونے کا قوی امکان ہے۔
ذرائع کے مطابق، پہلے مرحلے میں بلدیہ اور نگر پریشد انتخابات کے اعلان کا امکان ہے۔ اس کے بعد دیہی بلدیاتی اداروں یعنی ضلع پریشد اور پنچایت سمیتی کے انتخابات دسمبر کے سرمائی اجلاس کے بعد منعقد کیے جائیں گے۔ ان کے لیے ایک علیحدہ انتخابی پروگرام دسمبر میں جاری کیا جائے گا۔
جبکہ میونسپل کارپوریشن (مہا پالیکا) کے انتخابات جنوری 2026 میں ہونے کا امکان ظاہر کیا جا رہا ہے۔
ریاستی الیکشن کمیشن نے ہر انتخابی عمل 21 دنوں کے اندر مکمل کرنے کا منصوبہ تیار کیا ہے، جس میں نامزدگی، انتخابی مہم، پولنگ اور ووٹوں کی گنتی شامل ہے۔ اس لیے آج کی پریس کانفرنس میں 21 دنوں کے انتخابی شیڈول اور ضابطۂ اخلاق کا اعلان متوقع ہے۔
ریاست کی بلدیہ اور نگر پریشد کے انتخابات کا اعلان آج شام ہونے کے بعد، ریاستی سیاست میں نئی حرارت پیدا ہونے اور سیاسی سرگرمیوں میں تیزی آنے کا امکان ہے۔
