تمام سرکاری و نجی اداروں میں POSH ایکٹ کا سخت نفاذ لازمی: خواتین و اطفال ترقی کمشنر نینا گُنڈے، خلاف ورزی پر 50 ہزار روپے جرمانہ عائد
- MimTimes मिम टाइम्स م ٹائمز
- 23 hours ago
- 1 min read
29 November 2025
ممبئی (م ٹائمز )خواتین کے خلاف ہراسانی کے واقعات پر روک لگانے کے لیے ریاست کی خواتین و اطفال ترقی کمشنر نینا گُنڈے نے تمام سرکاری، نیم سرکاری اور نجی اداروں کو POSH ایکٹ کے سخت نفاذ کی ہدایت دی ہے۔ کمشنر نے واضح کیا کہ ایسے تمام دفاتر یا ادارے جہاں ملازمین کی تعداد 10 یا اس سے زیادہ ہو، وہاں داخلی شکایتی کمیٹی (Internal Committee) تشکیل دینا لازمی ہے۔
سرکاری و نیم سرکاری محکمے، کارپوریشنز، میونسپل ادارے، سرکاری کمپنیاں، سرکاری امداد سے چلنے والے ادارے، نیز نجی کمپنیاں، صنعتیں، خدمات فراہم کرنے والے ادارے، تعلیمی ادارے، اسپتال، تفریحی صنعت، اسپورٹس تنظیمیں اور اسپورٹس کمپلیکس—سب اس قانون کے دائرے میں آتے ہیں۔
نینا گُنڈے کے مطابق POSH ایکٹ کی خلاف ورزی کی صورت میں ادارے کے ذمہ دار شخص پر سیکشن 26 کے تحت 50 ہزار روپے تک جرمانہ عائد ہو سکتا ہے۔ بار بار خلاف ورزی کی صورت میں جرمانہ دگنا کرنے کے ساتھ ادارے کا لائسنس بھی منسوخ کیا جا سکتا ہے۔ انہوں نے ہدایت دی کہ داخلی کمیٹی سے متعلق معلومات مرکزی حکومت کے SHe-Box پورٹل پر فوراً اپڈیٹ کی جائیں:
کمشنر نے مزید اپیل کی کہ اگر شہری کسی ادارے میں داخلی کمیٹی کی معلومات کا بورڈ آویزاں نہ پائیں تو وہ ویمن ہیلپ لائن 181 پر شکایت درج کر سکتے ہیں۔
