ابو عاصم اعظمی کے گڑھ میں نواب ملک کی دھماکے دار انٹری، ایک ہی دن میں پانچ آفسز کا افتتاح!

 20 October 2024

ممبئی: معروف سیاسی رہنما نواب ملک نے ابو عاصم اعظمی کے مضبوط گڑھ میں اپنے سیاسی قدم جماتے ہوئے ایک ہی دن میں پانچ نئے انتخابی دفاتر کا افتتاح کر دیا۔ اس دھماکہ خیز قدم نے سیاسی حلقوں میں ہلچل مچا دی ہے اور کہا جا رہا ہے کہ نواب ملک آئندہ انتخابات میں ابو عاصم اعظمی کو چیلنج دینے کی تیاری کر رہے ہیں۔ 

نواب ملک کی اس پیش قدمی کو ابو عاصم اعظمی کے لئے ایک واضح سیاسی پیغام کے طور پر دیکھا جا رہا ہے کہ وہ اب ان کے مضبوط حلقے میں مقابلہ کرنے کے لیے تیار ہیں۔

دوسری جانب ابو عاصم اعظمی، انوشکتی نگر اسمبلی حلقے سے فہد احمد کے لیے ٹکٹ کی درخواست کر رہے ہیں اور اپنے سیاسی مستقبل کے لیے مضبوط منصوبہ بندی میں مصروف ہیں۔

مسلم رہنماؤں کا آپسی ٹکراؤ اور فرقہ وارانہ جماعتوں کی مضبوطی

 سیاسی تجزیہ نگاروں کا ماننا ہے کہ اگر مسلم رہنما ایک دوسرے کو شکست دینے کے لیے اسی طرح آپس میں مقابلہ کریں گے تو فرقہ وارانہ پارٹیاں مزید مضبوط ہوں گی، جس سے مسلم ووٹ تقسیم ہونے کا خدشہ بڑھ جائے گا۔ اس صورتحال میں فرقہ پرست جماعتوں کے لیے فائدہ اٹھانے کے مواقع پیدا ہو سکتے ہیں، جو مسلم سیاست کے لئے نقصان دہ ثابت ہو سکتے ہیں۔

نواب ملک اور ابو عاصم اعظمی کی اس سیاسی کشمکش پر مزید نگاہ رکھی جا رہی ہے، کیونکہ آنے والے انتخابات میں ان دونوں رہنماؤں کی حکمت عملی بڑی اہمیت رکھے گی۔