شیواجی نگر میں گندے پانی سے لوگ پریشان، لوٹس کالونی میں آج آیا گندا پانی

22 October 2024

ممبئی،شیواجی نگر کے علاقے میں آج گندے پانی کی سپلائی کی وجہ سے مقامی لوگ شدید پریشانی کا شکار ہیں۔ لوٹس کالونی کے مکینوں نے شکایت کی کہ آج کالونی میں جو پانی آیا وہ انتہائی گندا تھا۔ مقامی سوشل ورکر عاتف شیخ نے اس مسئلے پر توجہ دیتے ہوئے بی ایم سی واٹر ڈپارٹمنٹ میں شکایت درج کروائی۔

شکایت کے بعد بی ایم سی کے پانی کے شعبے کے افسران نے لوٹس کالونی کا دورہ کیا جہاں عاتف شیخ نے انہیں موقع پر پانی دکھا کر مسئلے کی سنگینی سے آگاہ کیا۔ بی ایم سی افسران نے مسئلہ حل کرنے کی یقین دہانی کرائی اور جلد ہی گندے پانی کی سپلائی کو درست کرنے کا وعدہ کیا۔

سماج وادی کےشوشل ورکر رفیق شیخ کا کہنا ہے کہ شدید بارش کی وجہ سے شہر بھر میں گندا پانی آ رہا ہے، تاہم یہ پیلا پانی ہے جو بارش کی زیادتی کے باعث آرہا ہے اور دو سے چار دن میں صورتحال بہتر ہو جائے گی۔