مفتی سلمان ازہری کے معاملے میں گھاٹکوپر کے بےگناہ لوگوں کے لئے قانونی مدد فراہم: ایڈوکیٹ ابراہیم شیخ لاڈلے، ایڈوکیٹ توصیف انصاری اور ٹیم کا اہم کردار

ممبئی 19 اکتوبر ،ممبئی گھاٹکوپر میں  مفتی سلمان ازہری کے معاملے میں قانونی پیچیدگیوں میں پھنسے بےگناہ افراد کو ایک اہم ریلیف فراہم کرتے  ہوئے لیگل ٹیم، جس میں ایڈوکیٹ ابراہیم شیخ لاڈلے اور ایڈوکیٹ توصیف انصاری سمیت دیگر قانونی ماہرین شامل ہیں، نے ان بےگناہ لوگوں کو مفت قانونی مدد فراہم کی۔

ایڈوکیٹ ابراہیم شیخ لاڈلے اور ان کی ٹیم نے اس معاملے میں سخت محنت اور بھرپور پیشہ ورانہ انداز میں قانونی معاملات کو سنبھالا، جس کی وجہ سے متاثرین کو انصاف ملنے میں مدد ملی۔ ٹیم کی قانونی حکمت عملی اور جدوجہد کی بدولت ان بےگناہ افراد کے خلاف جھوٹے مقدمات کو ختم کرنے کی کوششیں کامیاب ہو رہی ہیں۔

ایڈوکیٹ توصیف انصاری نے اس موقع پر کہا کہ یہ ان کا پیشہ ورانہ اور انسانی فرض ہے کہ وہ ایسے افراد کی مدد کریں جنہیں بےوجہ مشکلات کا سامنا کرنا پڑ رہا ہے۔ ان کی ٹیم مزید مقدمات میں بھی اسی طرح انصاف کے لیے لڑنے کے لیے تیار ہے۔

مفتی سلمان ازہری کے معاملے میں ان بےگناہ افراد کے خلاف لگائے گئے الزامات کو غلط قرار دینے اور انصاف کی فراہمی کے لیے قانونی جنگ جاری رہےگی۔