ملبہ اٹھانے کی "ڈیبرِیز آن کال" سروس شروع، ممبئی میونسپل کارپوریشن کا اقدام ، 500 کلو ملبہ اٹھانے کی سروس مفت، اضافی وزن کے لیے معمولی چارجز

12, December 2024

ممبئی،برہن ممبئی میونسپل کارپوریشن (بی ایم سی) نے "ڈیبرِیز آن کال" سروس شروع کرنے کا اعلان کیا ہے۔ اب شہری 500 کلوگرام تک کے گھریلو اور چھوٹے پیمانے پر تعمیراتی ملبے کو بالکل مفت اٹھوانے کی سہولت حاصل کر سکتے ہیں۔ اس کے لیے ممبئی شہر اور مشرقی مضافات کے رہائشی 1800-202-6364 اور مغربی مضافات کے رہائشی 1800-210-9976 پر صبح 8 سے شام 8 بجے تک کال کر سکتے ہیں۔"ڈیبرِیز آن کال" کی خصوصیات:• ٹول فری نمبر: اب وارڈ کے مخصوص نمبر یاد رکھنے کی ضرورت نہیں، شہری دو آسان نمبروں پر کال کر کے سروس حاصل کر سکتے ہیں۔• "MyBMC"  جلد ہی یہ سروس "MyBMC" ایپ پر دستیاب ہوگی، جہاں شہری اپنی درخواست آن لائن درج کرا سکیں گے۔•  کال کے بعد ملبے کے معائنے اور چارجز کی اطلاع دی جائے گی، اور 48 گھنٹوں میں ملبہ اٹھایا جائے گا۔• 500 کلو تک ملبہ بالکل مفت اٹھایا جائے گا، جبکہ اضافی وزن کے لیے معمولی چارجز وصول کیے جائیں گے۔•  چارجز کی ادائیگی آن لائن یا نقد کی جا سکتی ہے، اور رسید بھی فراہم کی جائے گی۔ ملبے کی ری سائیکلنگ کر کے اسے پیور بلاکس، فٹ پاتھ پتھر اور دیگر غیر تعمیراتی مقاصد کے لیے استعمال کیا جائے گا۔ممبئی میونسپل کارپوریشن نےاگلے 20 سال کے لیے دو کنٹریکٹرز کو یہ سروس فراہم کرنے کے لیے مقرر کیا ہے۔• مشرقی علاقوں کے لیے میٹرو ویسٹ ہینڈلنگ پرائیویٹ لمیٹڈ (شیل پھاٹا میں پلانٹ، 600 ٹن روزانہ کی گنجائش)۔• مغربی علاقوں کے لیے اے جی انوائرو انفرا پرائیویٹ لمیٹڈ (دہیسر میں پلانٹ، 600 ٹن روزانہ کی گنجائش)۔یہ منصوبہ روزانہ 1200 ٹن ملبے کو ری سائیکل کرنے کی صلاحیت رکھتا ہے، جو مہاراشٹر میں اپنی نوعیت کا سب سے بڑا منصوبہ ہے۔یہ سروس نہ صرف شہریوں کے لیے سہولت فراہم کرے گی بلکہ ماحول کے تحفظ کے لیے بھی اہم کردار ادا کرے گی۔ شہریوں سے درخواست ہے کہ وہ اس سروس کو زیادہ سے زیادہ استعمال کریں اور غیر قانونی طور پر ملبہ پھینکنے سے گریز کریں۔