منوج جارنگے پاٹل کا مسلم پرسنل لا بورڈ کے ترجمان سجاد نعمانی سے ملاقات

20 October 2024

چھترپتی سنبھاجی نگر، منوج جارنگے پاٹل نے حال ہی میں مسلم پرسنل لا بورڈ کے ترجمان مولانا سجاد نعمانی سے ملاقات کی۔ اس ملاقات کے بعد جارنگے پاٹل نے اپنی رائے کا اظہار کرتے ہوئے کہا کہ عوام کو غریبوں کے انصاف کے لئے اکٹھا ہونا پڑے گا۔ زرنگے پاٹل نے مزید کہا کہ اس ملاقات میں اہم دانشوروں سے بات چیت ہوئی اور انہیں زبردست رہنمائی ملی۔

منوج جارنگے پاٹل نے کہا: "اب پورے مہاراشٹر میں اسمبلی انتخابات کی گونج سنائی دے رہی ہے، اور غریبوں کے انصاف کے لئے عوام کو ایک ہونا ضروری ہے۔ کسانوں اور عام آدمی کو مشکلات کا سامنا ہے، اس لیے ہمیں اس بارے میں بات کرنی چاہیے۔ ایسے تجربہ کار لوگوں سے مشورہ کرنا چاہیے جو کئی سالوں سے اس میدان میں ہیں۔ مولانا سجاد نعمانی جیسی محترم شخصیت سے رہنمائی لینا ایک بڑا موقع تھا۔ ان کا مقام اور عزت بہت بلند ہے، اور ان کی رہنمائی قیمتی ثابت ہوگی۔"

انہوں نے مزید کہا کہ ریاست میں جو موجودہ مسائل ہیں، خاص طور پر کسانوں اور غریبوں کے، ان کو حل کرنے کے لئے دانشورانہ رہنمائی کی ضرورت ہے تاکہ عوامی مسائل کو بہتر طور پر سمجھا اور حل کیا جا سکے۔