نواب ملک کا اعلان: "29 اکتوبر کو نامزدگی داخل کروں گا،میرے خلاف کون ہے مجھے اسکی پرواہ نہیں"

26 October 2024

ممبئی:این سی پی کے سینئر لیڈر نواب ملک نے اعلان کیا ہے کہ وہ 29 اکتوبر کو مانخورد شواجی نگر اسمبلی حلقے سے اپنے کاغذات نامزدگی داخل کریں گے۔ ان کا کہنا ہے کہ عوام نے انہیں یہاں سے انتخابات میں حصہ لینے کی درخواست کی ہے، کیونکہ علاقے میں غنڈہ گردی اور منشیات کے کاروبار سے لوگ پریشان ہیں اور تبدیلی چاہتے ہیں۔

نواب ملک نے کہا، "علاقے کے لوگ مجھ سے اپیل کر رہے ہیں کہ میں یہاں سے انتخابات میں حصہ لوں۔ عوام کی حمایت میرے ساتھ ہے اور میں اس حلقے سے انتخاب لڑ کر ضرور کامیاب ہوں گا۔ مجھے اس بات کی پرواہ نہیں کہ کون میرے خلاف ہے، کیونکہ عوام کا ساتھ میرے ساتھ ہے۔"

نواب ملک نے مزید کہا کہ عوام نے ان سے امیدیں وابستہ کر رکھی ہیں اور وہ ان کی امیدوں پر پورا اترنے کی کوشش کریں گے۔