उत्सव निवडणुकीचा, अभिमान महाराष्ट्राचा - मतदान जनजागृती कार्यक्रमाची शानदार सुरुवात
- MimTimes मिम टाइम्स م ٹائمز

- Nov 8, 2024
- 1 min read

मुंबई, दि. ८ : महाराष्ट्र विधानसभा निवडणुकीच्या पार्श्वभूमीवर 'उत्सव निवडणुकीचा, अभिमान महाराष्ट्राचा' या विशेष जनजागृती अभियानाची राज्यस्तरीय सुरुवात आज गेटवे ऑफ इंडिया येथे झाली. या कार्यक्रमाच्या उद्घाटनाच्या वेळी ‘ये पुढे मतदान कर’ या मतदान गीताचे लोकार्पण करण्यात आले.

यावेळी भारत निवडणूक आयोगाचे उप निवडणूक आयुक्त हिरदेश कुमार, उप निवडणूक आयुक्त संजय कुमार, आणि इतर मान्यवर उपस्थित होते. या अभियानांतर्गत, मुंबईसह राज्यभरातील सर्व जिल्ह्यांमध्ये मतदार जागृती कार्यक्रम राबविण्यात येणार आहे.
अनेक प्रसिद्ध कलाकारांनी मतदान करण्याचे आवाहन केले आहे. अभिनेत्री वर्षा उसगांवकर, सोनाली खरे, क्रिकेटपटू अजिंक्य रहाणे, आणि दिग्दर्शक रोहित शेट्टी यांनी एकसाथ मतदानाचे महत्त्व सांगितले आणि २० नोव्हेंबर रोजी मतदान करण्याची शपथ घेतली.

कार्यक्रमाच्या शेवटी गेटवे ऑफ इंडिया ते कुलाब्यापर्यंत विशेष मतदार जागृती रॅली काढण्यात आली. यामध्ये नागरिकांना मतदान प्रक्रियेचे महत्त्व सांगण्यात आले.
ही जनजागृती मोहिम मतदारांमध्ये निवडणुकीतील सहभाग वाढवण्याच्या उद्देशाने राबविण्यात येत आहे.









