काँग्रेसची ४८ उमेदवारांची पहिली यादी जाहीर: नाना पटोले, बाळासाहेब थोरात, विजय वडेट्टीवार यांच्यासह महत्त्वाचे नेते यादीत

24 October 2024

मुंबई: काँग्रेस पक्षाने आगामी विधानसभा निवडणुकीसाठी आपल्या पहिल्या ४८ उमेदवारांची यादी जाहीर केली आहे. या यादीत अनेक महत्त्वाच्या नेत्यांचा समावेश असून, प्रदेशाध्यक्ष नाना पटोले साकोली मतदारसंघातून उमेदवारीसाठी निवडले गेले आहेत. विधिमंडळ पक्षाचे नेते बाळासाहेब थोरात यांना संगमनेर, तर विरोधी पक्षनेते विजय वडेट्टीवार यांना ब्रम्हपुरी मतदारसंघातून संधी देण्यात आली आहे.

माजी मुख्यमंत्री पृथ्वीराज चव्हाण यांना कराड दक्षिण मतदारसंघातून उमेदवारी जाहीर करण्यात आली आहे. तसेच, काँग्रेस वर्किंग कमिटीचे (CWC) सदस्य आणि प्रदेश कार्याध्यक्ष नसीम खान यांना चांदिवली मतदारसंघातून उमेदवारी मिळाली आहे.

या यादीत आणखी काही प्रभावशाली नेते आणि कार्यकर्त्यांचा समावेश असून, काँग्रेस पक्ष आगामी निवडणुकीत चांगली कामगिरी करणार असल्याचा विश्वास व्यक्त केला जात आहे.