कुर्ला बस अपघात: ७ मृत्यू, ४९ जखमी; बेस्टकडून चौकशी समिती स्थापन, तातडीची मदत जाहीर
- MimTimes मिम टाइम्स م ٹائمز
- Dec 10, 2024
- 1 min read
10DECEMBER 2024
मुंबई, कुर्ला येथील बस अपघातात ७ जणांचा दुर्दैवी मृत्यू झाला असून ४९ नागरिक गंभीर जखमी झाले आहेत. हा अपघात बेस्ट बस क्र. ए-३३२ (एमएच ०१ ईएम ८२२८) चा होता, जो कुर्ला (पश्चिम) ते अंधेरी (पूर्व) मार्गावर रात्री ९.३० वाजताच्या सुमारास घडला. जखमींवर मुंबईतील विविध रुग्णालयांमध्ये उपचार सुरू आहेत.
घटनास्थळावरील प्राथमिक तपासानुसार अपघातामुळे अनेकांचे जीवितहानी व वित्तहानी झाली आहे. या अपघाताची सखोल चौकशी करण्यासाठी बेस्ट उपक्रमाने मुख्य व्यवस्थापक (वाहतूक) यांच्या अध्यक्षतेखाली एक चौकशी समिती गठीत केली आहे.
बेस्ट उपक्रमाने मृतांच्या नातेवाईकांसाठी दोन लाख रुपयांची तातडीची मदत जाहीर केली आहे. तसेच, जखमींवरील औषधोपचाराचा खर्च बृहन्मुंबई महानगरपालिका आणि बेस्ट उपक्रम यांच्या माध्यमातून केला जाणार आहे.
हा अपघात नेमका कशामुळे झाला याबाबत चौकशी समिती लवकरच अहवाल सादर करेल, असे बेस्टच्या प्रवक्त्यांनी सांगितले.
