चेंबूरमध्ये आनंद जाधव यांच्या सोबत जनतेचा ओघ; वंचित बहुजन आघाडीला मिळतंय पाठबळ

१२ नोव्हेंबर २०२४

मुंबई,एकेकाळी मुंबईसह परिसरात बाळासाहेब ठाकरे यांच्या शिवसेनेचा दबदबा होता, आणि शिवसेना, भाजप, काँग्रेस हे प्रमुख राजकीय पक्ष राज्याच्या राजकारणात प्रभावी होते. मात्र गेल्या दोन दशकांत राज्याच्या राजकारणाचे समीकरणे मोठ्या प्रमाणात बदलले आहे. विविध सत्ताधारी पक्षांनी सत्तेच्या राजकारणात आपली चाले खेळल्या, ज्यामुळे राज्यात अस्थिरता निर्माण झाली आणि काही वेळा 'खिचडी' सरकारने सत्ता स्थापन केली.

सध्या जनता या अस्थिरतेपासून सावध झाली आहे आणि बदलासाठी उत्सुक आहे. चेंबूरचे राजकीय वातावरण याचेच जिवंत उदाहरण ठरत आहे, कारण तिथे शिवसेनेच्या दोन गटात विभाजन आणि वंचित बहुजन आघाडीला मिळणारे पाठबळ चेंबूरच्या निवडणूक युद्धाचे वेगळेच चित्र उभे करत आहे. 

चेंबूरमधील पुरोगामी विचारांचे मतदार गेल्या निवडणुका मनुवादी पक्षांना पाठिंबा देऊन सत्ता स्थापनेस मदत करीत आले होते. मात्र, या वेळी या मतांची फाटाफूट होताना दिसत आहे आणि लोकसंख्या बहुल क्षेत्रात वंचित बहुजन आघाडीला अधिक पाठिंबा मिळत आहे. दोन शिवसेना गटांत मतविभाजन होणे, काँग्रेस व राष्ट्रवादी काँग्रेसच्या परंपरागत मतदारांचे वंचितकडे कल असणे आणि शिंदे गटाचा भाजपशी असणारा घनिष्ठ संबंध या गोष्टी चेंबूरकरांच्या निर्णयावर परिणाम करत आहेत. 

तसेच ठाकरे गटाचा मोदींसोबत असलेला सॉफ्ट कोन चेंबूरच्या मतदारांमध्ये भीती निर्माण करतो की, निवडणुकीनंतर दोन्ही गट भाजपसोबत असतील. त्यामुळे निवडणुकीच्या या पर्वात मतदार वंचित बहुजन आघाडीच्या उमेदवाराकडे आकर्षित होताना दिसत आहेत. 

आनंद जाधव यांना या लोकलढ्यात जनतेचा मोठा प्रतिसाद मिळत आहे, ज्यामुळे चेंबूरच्या निवडणुकीचे समीकरण पुरोगामी विचारसरणीच्या दिशेने झुकत आहे.