दीपावली – २०२४ साठी बृहन्मुंबई महानगरपालिका अधिकारी, कर्मचारी यांना २९ हजार रुपये सानुग्रह अनुदान जाहीर

मुंबई 15 Oct 2024,बृहन्मुंबई महानगरपालिका प्रशासनाने दीपावली – २०२४ निमित्त महानगरपालिका अधिकारी व कर्मचारी यांना २९ हजार रुपये सानुग्रह अनुदान देण्याचा निर्णय जाहीर केला आहे. या अनुदानासाठी महानगरपालिकेतील विविध कामगार, कर्मचारी संघटनांनी समन्वय समितीच्या माध्यमातून मागणी केली होती, तसेच मुख्यमंत्री श्री. एकनाथ शिंदे यांच्याकडे देखील पाठपुरावा करण्यात आला होता.

मुख्यमंत्री आणि महानगरपालिका आयुक्त यांच्या चर्चेनंतर हा निर्णय घेण्यात आला. त्यानुसार महानगरपालिका अधिकारी व कर्मचाऱ्यांसह, अनुदान प्राप्त खासगी शाळांचे शिक्षक आणि शिक्षकेतर कर्मचारी देखील या सानुग्रह अनुदानाचा लाभ घेऊ शकणार आहेत.

सानुग्रह अनुदानाची रक्कम पुढील प्रमाणे आहे:

1. महानगरपालिका अधिकारी/कर्मचारी: रुपये २९,०००/-

2. अनुदान प्राप्त खासगी प्राथमिक शाळांचे शिक्षक/शिक्षकेतर कर्मचारी: रुपये २९,०००/-

3. महानगरपालिका प्राथमिक शाळेतील शिक्षण सेवक: रुपये २९,०००/-

4. माध्यमिक शाळांचे शिक्षक/शिक्षकेतर कर्मचारी (अनुदानित/विनाअनुदानित): रुपये २९,०००/-

5. माध्यमिक शाळेतील शिक्षण सेवक (अनुदानित/विनाअनुदानित): रुपये २९,०००/-

6. अध्यापक विद्यालयातील अधिव्याख्याते/शिक्षकेतर कर्मचारी (अनुदानित/विनाअनुदानित): रुपये २९,०००/-

7. अध्यापक विद्यालयातील पूर्ण वेळ शिक्षण सेवक (अनुदानित/विनाअनुदानित): रुपये २९,०००/-

8. सामाजिक आरोग्य स्वयंसेविका (CHV): भाऊबीज भेट रुपये १२,०००/-

9. बालवाडी शिक्षिका/मदतनीस: भाऊबीज भेट रुपये ०५,०००/-

महानगरपालिका प्रशासनाने घेतलेला हा निर्णय सर्व संबंधित कर्मचार्‍यांमध्ये आनंदाचे वातावरण निर्माण करणारा ठरला आहे.