निवडणूक नियमांचे उल्लंघन, बृहन्मुंबईत ७ हजार ३८९ जाहिरात साहित्य निष्कासित, Cvigil App आणि हेल्पलाईन क्रमांक १९५० वर तक्रार नोंदवण्याची सुविधा

मुंबई 17 Oct 2024, महाराष्ट्र विधानसभा निवडणुकीसाठी भारत निवडणूक आयोगाने कार्यक्रम जाहीर करताच आदर्श आचारसंहिता लागू झाली आहे. बृहन्मुंबई महानगरपालिकेने या आचारसंहितेची काटेकोरपणे अंमलबजावणी सुरू केली असून, पहिल्या ४८ तासांत (१५ ते १७ ऑक्टोबर २०२४) ७ हजार ३८९ भित्तीपत्रके, फलक, बॅनर्स, झेंडे आदी साहित्य निष्कासित करण्यात आले आहे.

महानगरपालिकेच्या अनुज्ञापन विभागाने ही कार्यवाही जोरदारपणे राबवली असून, अनधिकृत जाहिरात साहित्यावर सातत्याने कारवाई केली जात आहे. प्रशासनाने विनापरवाना कुठेही जाहिरात फलक लावू नये, असे आवाहन केले आहे, तसेच निवडणूक नियमांचे उल्लंघन झाल्यास Cvigil App आणि हेल्पलाईन क्रमांक १९५० वर तक्रार नोंदवण्याची सुविधा दिली आहे.