मतदान केंद्रांवरील मतदारांना मूलभूत सोयीसुविधा पुरवण्यात कसूर नको - जिल्हा निवडणूक अधिकारी भूषण गगराणी यांचे निर्देश

मुंबई, १७ ऑक्टोबर २०२४: आगामी विधानसभा सार्वत्रिक निवडणूक २०२४च्या पार्श्वभूमीवर, मुंबई उपनगर जिल्हा आणि मुंबई शहर जिल्ह्यातील मतदान केंद्रांवर मतदारांना आवश्यक त्या सर्व मूलभूत सोयीसुविधा योग्य प्रकारे पुरविण्यात याव्यात, असे निर्देश जिल्हा निवडणूक अधिकारी तथा बृहन्मुंबई महानगरपालिका आयुक्त भूषण गगराणी यांनी संबंधित कंत्राटदारांना दिले आहेत.

या बैठकीत श्री. गगराणी यांनी असेही स्पष्ट केले की, मतदान केंद्रांवर पिण्याचे पाणी, स्वच्छतागृह, दिव्यांगांसाठी व्हीलचेअर आणि रॅम्प, तसेच अन्य मूलभूत सोयीसुविधा पुरविणे आवश्यक आहे. त्यासाठी एक पाच सदस्यीय पथक स्थापन करण्यात आले आहे, जे या सुविधांची पूर्तता आणि गुणवत्तेचे परीक्षण करेल.

या बैठकीत अतिरिक्त जिल्हा निवडणूक अधिकारी डॉ. विपिन शर्मा, डॉ. (श्रीमती) अश्विनी जोशी, डॉ. अमित सैनी, श्री. अभिजीत बांगर, श्री. विजय बालमवार आणि इतर वरिष्ठ अधिकारी उपस्थित होते.