मनसेची चौथी उमेदवार यादी जाहीर, आतापर्यंत ६३ उमेदवारांची घोषणा

25 October 2024

मुंबई,महाराष्ट्र नवनिर्माण सेनेने (मनसे) आगामी विधानसभा निवडणुकीसाठी चौथी उमेदवारांची यादी जाहीर केली आहे. या यादीमध्ये पुणे, चिखली आणि कोल्हापूरच्या पाच उमेदवारांची नावे समाविष्ट आहेत. आतापर्यंत मनसेने एकूण ६३ उमेदवार जाहीर केले आहेत.

राज ठाकरे यांच्या नेतृत्वाखाली मनसेने महाराष्ट्रभर जोरदार निवडणूक प्रचार मोहीम सुरू केली आहे. २० नोव्हेंबरला होणाऱ्या विधानसभा निवडणुकीत मनसेने २०० ते २२५ जागांवर उमेदवार उभे करण्याचा निर्णय घेतला आहे. राज ठाकरेंनी याबाबतचा निर्धार महाराष्ट्र दौऱ्यादरम्यान व्यक्त केला होता, आणि त्यानुसार आता पक्षाने वेगवेगळ्या भागातील उमेदवारांची यादी सादर करायला सुरुवात केली आहे.

२० नोव्हेंबरला निवडणूक पार पडणार असून, २३ नोव्हेंबरला निकाल हाती येणार आहे.