महाराष्ट्राचे शाश्वत विकास उद्दिष्टांमध्ये महत्वाचे योगदान - ॲड. राहुल नार्वेकर

नवी दिल्ली, दि. २४ (प्रतिनिधी) – महाराष्ट्राचे शाश्वत विकास उद्दिष्टांच्या पूर्ततेसाठी मोठे योगदान आहे आणि ते देशाच्या समृद्धी आणि विकासात महत्त्वाची भूमिका बजावत आहे, असे विधान महाराष्ट्र विधानसभा अध्यक्ष ॲड. राहुल नार्वेकर यांनी केले. ते राष्ट्रकुल संसदीय मंडळाच्या १० व्या परिषदेत बोलत होते, जी २३ आणि २४ सप्टेंबर २०२४ रोजी नवी दिल्ली येथे आयोजित करण्यात आली होती.

परिषदेचा विषय "शाश्वत आणि सर्वसमावेशक विकासासंदर्भात विधानमंडळांची भूमिका" होता. यावेळी ॲड. नार्वेकर यांनी महाराष्ट्रातील विविध क्षेत्रांत होणाऱ्या विकास योजनांचा उल्लेख केला. त्यांनी पर्यावरणाच्या रक्षणासाठी सौर आणि पवन ऊर्जा प्रकल्प, समृद्धी महामार्गाच्या बाजूने बांबू लागवड आणि नागरीकरणाच्या वेगवान वाढीचा विचार करून सार्वजनिक वाहतुकीचे विस्तारित जाळे आणि इलेक्ट्रिक वाहनांचे प्रोत्साहन यासारख्या मुद्द्यांवर भर दिला.

ते म्हणाले, "शाश्वत विकास फक्त आर्थिक प्रगतीपुरता मर्यादित नाही, तर ग्रामीण आणि शहरी दोन्ही क्षेत्रांमध्ये रोजगार संधी निर्माण करण्यासाठी पायाभूत सुविधांचा वापर आणि सर्वसमावेशक विकास गरजेचा आहे."