माहीममध्ये अमित ठाकरे, वरळीत संदीप देशपांडे यांची ठाकरे गटाविरुद्धची लढत

22 October 2024

मुंबई,विधानसभा निवडणूक 2024 साठी राजकीय वातावरण तापले आहे. माहीम मतदारसंघातून मनसेचे युवा नेते अमित ठाकरे निवडणूक रिंगणात उतरणार आहेत. त्यांनी शिवसेना (उद्धव बाळासाहेब ठाकरे) गटाला थेट आव्हान दिले आहे. या भागातील निवडणुकीत अमित ठाकरे आणि उद्धव ठाकरे यांच्या गटातील प्रमुख नेते यांच्यात थरारक सामना होणार आहे.

दरम्यान, वरळीत आदित्य ठाकरे यांच्याविरोधात मनसेचे ज्येष्ठ नेते संदीप देशपांडे निवडणुकीला सामोरे जाणार आहेत. वरळी मतदारसंघ हा शिवसेना (उद्धव बाळासाहेब ठाकरे) गटाचा बालेकिल्ला मानला जातो, मात्र संदीप देशपांडे यांनी या गटाला तगडे आव्हान उभे केले आहे.

संपूर्ण मुंबईत शिवसेना आणि मनसे यांच्यातील लढतीकडे सर्वांचे लक्ष लागले आहे. अमित ठाकरे आणि संदीप देशपांडे यांच्या उमेदवारीमुळे विधानसभा निवडणूक अधिक रंगतदार होणार आहे, अशी चर्चा सध्या राजकीय वर्तुळात आहे.